2006年12月18日

心中有鬼


潮流=反潮流。反潮流之後又變成潮流。睇通左,就知係輪流轉又轉。

「大人服(好忍憎依個名)」爆發就係要反抗當時那些以猿人為首的街頭潮流。到今日,「大人服」這潮流亦會受到些另類潮人的反抗。他們開始討厭那些成熟服飾,可能會找回一些low-end設計,大玩八十年代老土look等等。

你問我點睇?潮流=反潮流,反潮流又=返潮流。你想住以為自己好勁反潮流,最後一樣跌返落瀚瀚潮流之中。只要心中一有潮唔潮一念,你一樣係佢,佢一樣係你。

問題不在反不反,而在心。當可以隨心所欲,隨心所著,穿什麼又有什麼問題?你自己一心想住反潮流人著你唔著,只因為你心中有隻鬼。