2006年12月29日

我愛日牌


賣日本貨都是吸血鬼。人人說香港賣日本衫都mark up得勁,好似水貨店就愛十算計。大型時裝店不是賣水貨,他們點解吸得咁狠?以前沒有細心留意,但有了online shopping後,誰是吸血鬼就唔使問亞sir。

網上已可買到大量歐洲一線品牌。看看價錢,發現香港的售價和外國網上賣的差不多,一時你貴些些一時我貴些些。但算埋運費,肯定香港買歐洲衫褲一定較平。但日本貨則相反,一件外套在香港售五千多銀,但日本本土只售三千多!食水好深喎。因乜歐洲日本mark up不同?要請行內人教下我。

日本衫,永遠不要諗住是創新。日本設計永遠走在潮流當中,但不會開創潮流。要保險,買日本衫包無死。日本品牌興乜做乜,日本設計師最醒在潮流當中搞細節。興大人服?他們能在西裝褸裡扭來扭去,用力程度比歐洲品牌更勁。日本品牌能將潮流(如大人服)玩到出神入化,但誰決定大人服潮流是否大熱,則永遠不是日本設計師話事。

真正的創新,必是歐洲的設計。如Raf Simons的超闊又超窄加奇怪用料,日本人都係得過跟字。香港人要有型又保守,日本貨合晒我地河車。難怪歐洲品牌係減價起初已被割去40%售價,而日本牌子則好些減都唔減。頂。