2007年9月18日

無啫啫


與帶我出身的時裝前輩閒談。她問我,究竟男女在試身時有何分別呢?我想女人在鏡前試衫,主要是看件衫靚唔靚和是否適合自己。而男呢,於我,多數看剪裁合身與否。靚唔靚,很多時在未試上身已估到八九。

男女試身時的不同,可能源自男裝一直都以剪裁為先,而女裝則已設計為主。

寫到買衫,更有極大的分別。女人衣服,很多人只穿一兩季。買衫的心態只是想「穿新衫」。男人則較少如此想。小小買衫狂如我,衫褲多數會穿很久,十年都會有!想穿新衫的想頭更是少,較多時候想買的衫褲,都是自己沒有的款式。如想找紅色的恤衫啦,一條特別的西褲啦咁。

女人實會話,頂,邊有啲衫會諗住著十年!你自己呃自己啫!Wyman都咁講過啦!

無錯,Wyman是如此寫過。但Wyman是無啫啫哦。