2007年8月13日

UNCONDITIONAL


最近在MILK讀到話UNCONDITIONAL是新晉品牌......超過四年日子還算新晉!本地雜誌亂寫一通,嘔到一地血。

英國品牌UNCONDITIONAL在香港不多見,早年只在SISTYR MOON和西武有售。但今日SISTYR MOON已好似沒賣(SISTYR MOON的男裝可以收皮),要找話,西武最齊貨。

UNCONDITIONAL的衫褲感覺其實不錯,簡單但不失細節,顏色控制有水準。要比較的話,又幾似KVA的衫,像街頭版KVA。當然,用布剪裁都與KVA有一段距離。UNCONDITIONAL售價不平,好似不太值。但在減價時入貨則是不錯選擇。

2007年8月6日

副業

3.1 phillip lim menswear


再一次証明,造開女裝搞男裝,多數唔突出。

上週六同友人逛HN。部分新貨已上架。見到近期幾紅的3.1 phillip lim......男裝,當然要睇真一下。我呢,唔著女裝,所以唔太明白點解3.1 phillip lim咁多人鍾意。其男裝唔平,一件冬褸要六七千。看款式,平平又未至於無奇,只是未能令你好有衝動那種貨色。當然,以友人的理論,未有衝動原因只得一個,就係你無錢!

我無看盡所有先造女裝後搞男裝的出品,但十之有九都是到喉唔到肺。如早年VIKTOR & ROLF感覺不錯,但近期越搞越無哩趣味。

當然有例外。BALENCIAGA的男裝則幾合我河車。其男裝易著cutting靚,只係......太貴囉。