2007年11月6日

抵能死

看到最新的「鱷魚恤」公司形象,証明早前和友人閒談間的預言真已實現。最早是ZARA進駐香港,之後的UNIQLO和H&M,大家都是賣平靚。形象上,可謂殺得本地土炮仆晒街。

我預言本地品牌必會轉形,否則大家賣咁平,人哋型咁多,我為乜要買你?最先知先覺的是GIORDANO,新系列GIORDANO CONCEPT真是高質有CUT又有型。之後BOSSINI一樣靜靜雞出d有型衫。現在,終於輸到爸爸牌「鱷魚恤」出手。

不過,開心唔好咁早。

我第二預言,究竟這些土炮轉形能否成功?我看未必。首先,各大品牌都係開多條線或陰啲陰啲咁做,可見他們可能都是摸住石頭過河。突然叫大廈看更叔叔一身DIOR HOMME造形出場,WORK唔WORK架?其實,土炮品牌有苦自己知。服裝潮流不停站向前跑,但自己又無把握作大改變,真係變又屎唔變又屎。

寫開又寫。

我敢肯定,大家現在見到的各大土炮新風格新形象,在多年必定有有識有膽的先行者提出過。如「鱷魚恤」女穿男裝的意念,根本只屬小兒科,但肯定如果在公司好景時提出此意念必定仆街。啲人就係咁囉,乜都驚,最後生意都輸埋。抵能死。

先行者,最後勝利都是你!雖然執行可能已唔係你自己。