2008年11月24日

荷包好


今年減價季節應該很慘烈。各大店鋪一早想散貨,卻又不能明目張膽十一月頭就減價,大家只好陰啲陰啲做什麼VIP sale或staff sale。

上兩星期老連的staff sale好似突然叫停,有話老闆女看到如餓鬼搶食的場面慘不忍睹。又有話一眾老連大客投訴餓鬼staff sale搞cheap晒。又係,買五件已到四折,實在眼都突。不過cheap不cheap都是多餘,多高貴的品牌減價一樣只為去貨,其餘講多都無謂。

看情況,今年減價季節去到三折才是王道。只是人心惶惶,物賤鬥窮人,有錢都是留在荷包好。

2008年11月11日

死錯人


十幾年前一音樂朋友同我講,最恨人問他怎樣才能聽那麼多歌。他說,有錢就得。一聽,可能覺得他串串貢,但想深一層會發覺有道理。當認真鑽研世事,又怎能不付出?

買衫褲當然都一樣,不去買不去試永都唔知龍與鳯。但叫人消費的雜誌已太多,不用我加把嘴。反而,實情你買得多,越不會去買正價衫褲。貴價貨根本少人買, 入貨永遠一兩件,你試過幾多次買的貴價衫褲不是display那件?

其實,減價時的價錢才算正價呀。交了多年學費後,你學會死忍爛忍,反正減價候一樣齊款齊碼。今日經濟大崩壞,處處提早減價等錢駛,又是實踐硬道理的時候。