2009年7月15日

潮流演員


上網看了大部份2010春夏男裝,感覺口淡淡,無些神氣。除了ALEXANDER MCQUEEN及JOHN GALLIANO,大多悶出鳥來。可能經濟差,人人怕死,都係整返些穩穩陣陣的靚衫出來算數。以前會覺得JOHN GALLIANO的衫痴痴地,今日拼在其他悶蛋設計中,忽然又有咁至係衫之感。

經濟下滑,除了令衫褲發出悶臭味外,對潮流雜誌一樣係大打擊。廿年前人人走去天星碼頭買《i-D》扮潮人,重記得當時賣到二百幾銀一本。廿年後的《i-D》由一年出十二期變為六期,這可視為一個時代的完結,又或係一個新時代的誕生。

經濟下滑加互聯網爆發,令潮流雜誌(或傳統傳媒)不知如何自處。以上現象絕對可以畀潮流演員黎堅惠係《明周》吹足三期水。