2011年2月2日

笨實


I.T集團用二千幾萬買咗A Bathing Ape,好多人話笨實。有謂殺頭生意有人做,蝕本生意無人做,只係二千幾萬,認真濕濕碎。要知,依種搵笨「名牌」由最高處下流到最低層都要一段時間,而下面重有一個第三世界國家未開發,只要I.T集團谷谷佢搵明星吹下,難保第日發到襪都著唔落。
最近又見Palladium係香港出現。記起廿幾年前Palladium係香港興過一輪,果陣我都好威威買過一對白色低筒。只要興,懶理著得唔舒服,有苦自己知。幾年後正如所有潮流一樣,已無人記得。
以前見到老一輩潮人,總有一份on9的感覺,點解佢哋打扮總係時間停頓?今日明白,所謂潮流總係興完又謝謝完又興。好似Palladium廿年前興過,點知廿年後又話回歸。老一代潮人經歷過當年的洗禮,自然對潮流唔潮流抱睬你都有味的心態。